2026 жылдан бастап оңайлатылған режимде жұмыс істей алатын кәсіпкерлер

2026 жылдан бастап Қазақстанда оңайлатылған режим ережелері өзгереді. Бұл өзгерістерді қолдануға дайындалу үшін Ұлттық экономика министрлігі екі қаулы жобасын ұсынды: бірі — оңайлатылған режимді пайдалануға тыйым салынатын қызмет түрлерінің тізімі, екіншісі — өзін-өзі жұмыспен қамтығандарға қолдануға рұқсат етілетін қызметтер тізімі. Құжаттарды қазақстандықтар 13 қазанға дейін талқылай алады.

Тыйым салынған қызметтер тізімі

Жаңадан енгізілетін оңайлатылған режим қолданыстағы оңайлатылған режим мен бөлшек салық режимдерін біріктіреді. Осы арнаулы салық режимі бойынша жұмыс істей алмайтындар: 

• кірісі жылына 600 мың АЕК-тен (≈ 2,4–2,5 млрд теңгеден) асатын бизнес
• құрамындағы басқа компаниялардың үлесі 25%-дан асатын заңды тұлғалар
• құрылтайшылары арнаулы режимдегі басқа заңды тұлғаларға қатысатын ұйымдар
• коммерциялық емес ұйымдар
• арнаулы режимдегі заңды тұлғалардың құрылтайшылары болып жүрген салық төлеушілер
• арнайы экономикалық аймақтар мен Astana Hub қатысушылары 
• бірлескен қызмет туралы шарттар негізінде жұмыс істейтін компаниялар 

Бұл тізбеге ірі бизнес салалары: құрылыс, жер қойнауын пайдалану, көтерме сауда, ірі ритейл, телеком, IT, қаржы және басқалары кіреді. Шектеуге 1111 ЭҚЖЖ ішінен шамамен 800 қызмет түрі – 70% жуығы түседі. 

Оңайлатылған режимде қалатын қызмет түрлері

Тізбеде өзін-өзі жұмыспен қамтығандарға бар болғаны 46 сала бар. Оның ішінде такси жүргізушілері, курьерлер мен креатив (шығармашылық) индустрия өкілдері бар. Толық тізімі төменде: 

• 01620 – Мал шаруашылығына тән қызмет 
• 32200 – Музыкалық аспаптарды өндіру 
• 43310 – Сылақ жұмыстары 
• 43320 – Ағаш шебері және ағаш ұстасы жұмыстары
• 43330 – Еден жабыны және қабырғаларды қаптау жұмыстары
• 43340 – Сырлау және шыны салу жұмыстары
• 49320 – Такси қызметі
• 49410 – Жүк автомобиль көлігінің қызметі
• 68201 – Тұрғын үй жылжымайтын мүлігін жалдау (қосалқы жалдау) және басқару
• 68321 – Сыйақы үшін немесе шарт негізінде жылжымайтын мүлікті басқару
• 74200 – Фотография саласындағы қызмет
• 74300 – Ауызша және жазбаша аударма қызметі
• 75000 – Ветеринариялық қызмет
• 77111 – Жеңіл автомобильдер мен жеңіл автокөлік құралдарын жалдау
• 77121 – Жүк автомобильдерін жалдау
• 77210 – Ойын-сауық және спорттық жабдықтарды жалдау және лизинг
• 77220 – Бейнетаспалар мен дискілер прокаты
• 77290 – Жеке тұтынатын өзге де заттарды және тұрмыстық тауарларды жалдау және лизинг
• 77311 – Ауыл шаруашылығы машиналары мен жабдықтарын жалдау
• 77338 – Өзге де офистік машиналар мен жабдықтарды жалдау
• 81211 – Тұрғын үйлерді  жалпы жинастыру
• 81290 – Жинастыру бойынша өзге де қызмет
• 85510 – Спорт және демалыс саласындағы білім беру
• 85520 – Мәдениет саласындағы білім беру
• 85599 – Білім беру саласындағы өзге қызмет
• 85609 – Білім беру саласындағы өзге де қосалқы қызмет
• 90030 – Көркем және әдеби шығармашылық
• 95110 – Компьютерлер мен шеткері жабдықтарды жөндеу
• 95120 – Коммуникациялық жабдықтарды жөндеу
• 95210 – Электронды тұрмыстық техниканы жөндеу
• 95220 – Тұрмыстық аспаптарды, үй және бау-бақша жабдықтарын жөндеу
• 95231 – Аяқкиімдерді жөндеу
• 95232 – Былғарыдан жасалған бұйымдарды жөндеу
• 95240 – Жиһаздарды және интерьер заттарын жөндеу
• 95251 – Қолсағаттар мен өзге де сағаттарды жөндеу
• 95252 – Зергерлік бұйымдарды жөндеу
• 95291 – Трикотаж және тоқыма бұйымдарды жөндеу
• 95292 – Тігін бұйымдары мен бас киімдерді жөндеу
• 95293 – Тері және былғары бұйымдарын жөндеу
• 95294 – Музыкалық аспаптарды жөндеу
• 95295 – Кілемдер мен кілем бұйымдарын жөндеу
• 95296 – Велосипедтер жөндеу
• 95299 – Жеке пайдаланатын өзге де заттар мен тұрмыстық тауарларды жөндеу
• 96020 – Шаштараздардың, сұлулық салондарының көрсетілетін қызметтерді ұсынуы
• 97000 – Үй қызметшісін жалдайтын үй шаруашылықтарының қызметі
• 98100 – Өзіндік тұтынуы үшін тауарлар өндіру бойынша үй шаруашылықтарының қызметі

Шағын B2C-бизнес оңайлатылған режимде қала береді, ал ірі бағыттар жалпыға белгіленген режимге өтеді деп күтілуде. Жалпыға бірдей белгіленген режимге өтетін кезде айналымы жылына 40 млн теңгеге дейінгі соманы құрайтын бизнес ҚҚС бойынша тіркеуден шығады. 

Халықпен жұмыс істейтін шағын бизнес оңайлатылған режимде қалады. Ірі салалар мен платформалар жаңа ережелер бойынша жұмыс істейді.