2GIS-те жарнаманы іске қосу

Қазір адамдар жақын маңдағы дәмхана, автожуу, стоматология немесе дүкенді табу үшін онлайн-карталарды жиі қолданады. 2GIS — карта, навигатор және компаниялар анықтамалығы біріктірілген сервис. Бизнес үшін бұл тұтынушының назарына тауар не қызмет іздеген сәтте ілігу мүмкіндігі. 2GIS-тегі жарнама бәсекелестерден ерекшеленіп, жаңа клиент тартуға көмектеседі. Осы мақалада жарнама форматын дұрыс таңдап, оны іске қосудың негізгі қадамдарын баяндаймыз.

Бастапқы қадамдар

Алдымен компанияңыздың 2GIS жүйесінде тіркелгенін тексеріңіз. Егер әлі тіркелмесеңіз, оны сайт немесе мобильді қолданба арқылы жасауға болады. Өтінімде компанияның атауы, мекенжайы, телефоны мен жұмыс уақыты енгізіледі. Тексерістен кейін ақпарат картада жарияланып, пайдаланушыларға қолжетімді болады.

Компания 2GIS жүйесінде тіркелгеннен кейін жарнама баптауды бастауға болады. Платформа әртүрлі орналастыру форматтарын ұсынады: іздеу нәтижелеріндегі жарнамадан бастап жарқын баннерлер мен бейне-роликтерге дейін.

Жарнама форматтарының түрлері

Геоконтексттік жарнама

Пайдаланушы іздеу жолына «суши» немесе «автосервис» сөздерін енгізгенде нәтижелер тізімінің басында жарнамалық хабарландыру көрінеді. Ол жасыл белгімен белгіленген.

Компанияның карточкасы да ерекшеленеді: атауына логотип, артықшылықтары немесе науқаны бар қысқаша сипаттама, сонымен қатар әрекетке шақыратын батырма қосылады — мысалы, «Қоңырау шалу» немесе «Сайтқа өту». Картада мұндай компания логотип арқылы ерекшеленеді.

Мұндай формат дәмханалар, дүкендер, сұлулық салондары, медициналық клиникалар мен автосервистер сияқты жергілікті бизнес үшін тиімді, себебі жарнама жақын жерде нақты қызметтерді іздеп жүрген адамдарға көрсетіледі.

Медиа-жарнама

Медиа форматтары бизнеске ағымдағы сұраныспен жұмыс істеумен қатар брендтің танымалдығын арттыруға көмектеседі. Жарнама мобильді қолданба немесе 2GIS сайтының бірінші бетінде былай көрсетілуі мүмкін:

• оқиғалар (сторис)
• баннерлер
• бейне-роликтер
• компания логотипі

Мұндай жарнама іздеу сұрауларына немесе орналасқан жеріне тікелей байланысты емес. Ол қолданбадағы пайдаланушылардың мінез-құлқына негізделіп, брендке кең аудиторияның көзіне түсуге көмектеседі.

Навигатордағы жарнама

Бұл формат адам жүретін бағытын жоспарлаған кезде немесе жолда келе жатқанда көрсетіледі.

Жарнама интерфейске біріктіріліп, бірнеше нұсқада көрсетілуі мүмкін:

• жол бойындағы билборд — қозғалыс кезінде пайда болатын үлкен жарнама тақтасы; оған басқанда компания ұсынысы бар баннер ашылады
• картадағы логотип — сіздің компанияңыз жақын маңда орналасқанын көрсетеді және маршрутты сізге соғып өту үшін өзгертуі мүмкін
• тоқтаған кездегі баннер — егер көлік бағдаршамда немесе кептелісте 7 секундтан артық тұрса, жүргізушінің жарнаманы байқауға уақыты болады
• маршрутты жоспарлау экранындағы билборд — сапарды жоспарлау кезінде көрсетіледі

2ГИС-пен жиі жолға шығатындардың барлығы навигатордағы жарнаманы көреді.

Жарнаманы іске қосу

Жарнаманы орналастыру бойынша +7 7172 270 202 нөміріне қоңырау шалыңыз. 2GIS менеджері науқанның мақсаттарын анықтап, ең тиімді нұсқаларды ұсынады және таңдалған форматқа сәйкес жарнамалық материалдарды баптауға көмектеседі.

Содан кейін тек шарттарды келісіп, төлем жасау ғана қалады. Сайттағы калькулятор арқылы бағаны алдын ала есептеуге болады — компания орналасқан қала мен жарнама форматын таңдау жеткілікті.

Жарнаманы орналастырмас бұрын «Жарнама туралы» заң талаптарын бұзбағаныңызға көз жеткізіңіз.

Жарнаманы іске қосқанда ескеретін жайттар

Карта мен навигатор қолданушылары арасында аудиторияңыз бар-жоғын анықтаңыз. Көбінесе 2GIS арқылы жақын жердегі компанияларды іздейді: дәмханалар, дәріханалар, стоматологиялар, қонақ үйлер, сұлулық салондары, тапсырыс алу пункттері. Орналасқан жер маңызды емес бизнес үшін (мысалы, тауар жеткізу) мұндай арна тиімді болмауы мүмкін.

Сұраныстың маусымдық ауытқуларын ескеріп, жарнаманы ең белсенді кезеңдерге қысқа мерзімге іске қосыңыз. Сондай-ақ 2GIS жарнамасы жаңа филиалдар мен қызмет көрсету нүктелерін ашқанда жақсы нәтиже береді.

Тиімділікті бақылау маңызды. Компания карточкасын көргеннен кейін пайдаланушылар қандай әрекет жасайтынын қараңыз: пікірлерге өту, сайтқа кіру немесе әлеуметтік желілерді пайдалану. Мұндай талдау профильдің қай тұстарын бірінші кезекте дамыту керектігін анықтауға көмектеседі.

Кез келген кәсіпкер 2GIS-те жарнаманы іске қоса алады — шағын кофехананың иесінен бастап ірі желіге дейін. Компанияны тіркеп, орналастыру форматын таңдап, менеджермен шарттарды келіссеңіз жеткілікті.