Қазақстанда POS-терминалсыз жұмыс істеу жолдары

Барлық кәсіпкерлерге POS-терминал орнату қажет емес. Кейбір жағдайда бұл заң талаптарына сәйкес міндеттелсе, ал кейбірінде басқа тәртіп қарастырылған. Осы мақалада POS-терминалсыз қандай жағдайларда жұмыс істеуге болатынын және қолма-қол ақшасыз төлем қабылдаудың қандай балама тәсілдері бар екенін қарастырамыз.

POS-терминал кімдерге қажет

Биылдан бастап қызмет түрлерінің тізімі кеңейтілді. Енді төмендегі салаларда жұмыс істейтін кәсіпкерлер POS-терминал орнатуға міндетті:

• автокөліктер мен мотоциклдерді сату, жөндеу және техникалық қызмет көрсету;
• көтерме және бөлшек сауда;
• қонақүй бизнесі;
• мейрамханалар және тамақтану мен сусын ұсыну қызметтері;
• әуе және теміржол билеттерін, багаж және жүкбагаж түбіртектерін сату;
• жүк өңдеу, қоймалау және сақтау, тасымалдауға байланысты қосалқы қызметтер, жүк тасымалдау;
• туроператорлардың қызметі, туристік бизнес (турагенттерден басқа);
• сақтандыру қызметі;
• денсаулық сақтау;
• білім беру;
• кинофильмдерді, бейне және телевизиялық бағдарламаларды тарату, кино көрсетілімін ұйымдастыру;
• фитнес-клубтар, спорт клубтары, дискотекалар;
• құмар ойындарын ұйымдастыру және бәстесу қызметі;
• боулинг және бильярд;
• пошта және курьерлік қызметтер;
• шаштараз қызметтері мен сұлулық салондары;
• мамандандырылған дизайнерлік қызмет;
• ғимараттарға қызмет көрсету және аумақтарды абаттандыру.

Қалған кәсіпкерлерге POS-терминалсыз жұмыс істеуге рұқсат етіледі.

POS-терминал орнатпаған жағдайда салынатын айыппұл

Егер бизнес POS-терминал орнатуға міндетті болса, бірақ онсыз жұмыс істесе, алдымен ескерту жасалады. Бұл талап қайта бұзылса, айыппұл салынады:

шағын бизнес үшін — 40 АЕК;
орта бизнес үшін — 60 АЕК;
ірі бизнес үшін — 80 АЕК.

Кәсіпкерлердің жиі жіберетін қателері

• төлемді жеке банк картасына аудару арқылы қабылдау;
• жеке кәсіпкерлерге бұл талап қойылмайды деп ойлау;
• қолма-қол ақшамен төлем қабылдау жеткілікті деп есептеу.

Егер қызмет түрі тізімге кірсе және кәсіпкерге POS-терминал орнату міндетті болса, бұл мәселені алдын ала шешкен дұрыс. Alatau City Bank ұсынған терминалға қазір-ақ өтінім қалдырыңыз. POS-терминалды келесі күні жеткізіп, орнатып береді, ал комиссия мөлшері 0,8%-дан басталады.