Жеке кәсіпкердің өзін-өзі жұмыспен қамтушы ретінде пәтер жалға беру тәртібі
ЖК ретінде тіркеліп, бір пәтерді жалға беріп отырмын. Жаңа жылдан бастап өзімді-өзім жұмыспен қамтушы болғым келеді. ЖК-ны қашан жапқан дұрыс: биыл ма, әлде келер жылғы қаңтарда ма? Оған бөлек қолданба жүктеу керек пе?
«Точный учет» бухгалтерлік агенттігінің мамандарына жауап дайындағанына алғыс білдіреміз.
2026 жылғы 1 қаңтардан бастап патент немесе мобильді қолданба қолданатын АСР-да жұмыс істейтін кәсіпкерлер өзін-өзі жұмыспен қамтушыларға арналған жаңа режимге автоматты түрде көшеді. Салық режимін ауыстыру үшін ешқандай өтініш берудің қажеті жоқ.
Егер оңайлатылған салық режимінде болсаңыз, ЖК-ны өзіңізге ыңғайлы уақытта жаба аласыз. Бірақ бұл процесс біраз уақыт алатынын ескерген жөн. Маңызды жайт: ЖК ретінде тіркелгендерге өзін-өзі жұмыспен қамтушы болуға рұқсат етілмейді.
Жаңа режим арнайы мобильді қолданба арқылы жұмыс істейді. Сол қолданбада тіркеліп, чек жасап, бірыңғай төлемді төлей аласыз. Қолданбада бірінші чек жасаған сәтте қызметіңіз өзін-өзі жұмыспен қамтығандарға арналған салық режиміне ауысады.