Дән қуыру түрлерінің кофе дәміне әсері

Кофенің дәмі кофе дәнін қуыру түріне тікелей байланысты. Specialty Coffee Association (SCA) ұйымының зерттеуінше, фильтр-кофе дәмінің ерекшеленуіне бәрінен бұрын кофе дәнін қуыру түрі әсер етеді. Сол себепті қуырылған дәнінің түсі күреңденген сайын сапасы қалай өзгеретінін кофе сүйер қауымға, әсіресе кофеге жақында ғана әуестене бастағандарға білген маңызды.

Кофе дәмінің қуыру түріне байланысты өзгеруі

• Жеңіл қуырылған дән — қышқылдығы айқын байқалады, дәмі жаңа піскен жидек, гүл татиды; дәннің шыққан аймағына байланысты ерекшеліктері мен сұрыбының қасиеттері барынша сақталады.
• Орташа қуырылған дән — дәмі үйлескен, қышқылдығы орташа болады; дәмі карамель мен бал татиды, иісі жұмсарып, әдеттегі жеміс иісі құрғақ жеміс иісіндей сезіледі.
• Қатты қуырылған дән — дәмі қанық келеді, қара шоколад иісі мен жұмсақ түтінді иісі болады; қышқылдығы барынша азайып, қуырылған қою дәм байқалады.

Спешелти-кофе: SCA-ның кофе дәміне және кофені қуыру түріне көзқарасы

Спешелти әлемінде жалпыға ортақ дәм сипаттау тілі бар. SCA құрастырған дәм дөңгелегінде жеміс пен гүл дәмінен бастап жаңғақ, дәмдеуіш және шоколад дәміне дейінгі бүкіл кездесетін дескрипторлар біріктірілген. Дегустаторлар оның көмегімен кофенің қышқылдығын, құрылымын, тәттілігін және тіл ұшында қалатын дәмін жалпы стандартқа сүйеніп бағалай алады.

Сарапшылардың айтуынша, спешелти-кофе дәннің табиғи қасиеттерін баспай, керісінше, күшейтіп шығарғанымен бағаланады. Жеңіл қуырылған кофенің сұрыбы, шыққан аймағына байланысты ерекшеліктері мен өңдеу тәсілінің айрықша қасиеттері ашылып, дәмі анық, таза шығады. Ал тым қатты қуырылған дән кофенің дәмін біркелкі қылады, яғни дәннің өзіне тән ерекше хош иісі жоғалып, орнына ащы, түтінді иіс пайда болады. Бұрын мұндай тәсілмен өндірушілер шикізат кемшіліктерін жасыратын, ал қазіргі таңда сапа индустриясы мұны жөнсіз санайды.

SCA дәм дөңгелегі

Үйде демдеуге лайық қуырылған дән таңдау жолы

Rockets қонақтары бізден мұны жиі сұрайды. Қуырылған дәнді өзіңізге ұнайтын кофеге қарап таңдай аласыз:

• Дәмі айқын байқалатын сүтсіз қою қара кофе ішкенді ұнатсаңыз, жеңіл қуырылған кофе алыңыз — оның дәмі пуроверде де, кемексте де керемет ашылады.
• Дәмі үйлескен, сәл қышқылтым, аса ащы емес кофе керек болса, орташа қуырылған түрін таңдай аласыз: оны көптеген тәсілмен демдеуге болады. Кофемен таныса бастау үшін алып көруге де жарайды.
• Ал егер сіз капучино немесе латте ішкенді ұнатсаңыз, онда қатты қуырылған кофе дәнін алып көріңіз. Оның дәмі қанық, қою әрі сүт қосқанда жоғалмайды.

Rockets-те әркім өзіне ұнайтын кофе таба алсын деп, біз кофенің түр-түрін ұстаймыз. Кофе қуыру тәсілін қатаң ережеге бағынатын нәрсе емес, кофе дәмін өзіңізге ұнайтындай етіп шығаруға көмектесетін құрал десек те болады.