Өзін-өзі жұмыспен қамтығандарға карта ашу және салық төлеу тәртібі

Өзін-өзі жұмыспен қамтығандар жеке кәсіпкер ретінде тіркелмей-ақ жұмыс істей алады. Төлемдерді жеке картаға қабылдап, Alatau City Bank қолданбасында салық төлеп, ақша аудара алады. Карта бірнеше минутта тегін әрі онлайн рәсімделеді. Бұл — есеп айырысу талаптарын сақтап, салық міндеттемелерін орындаудың қарапайым жолы. Толық нұсқаулықпен осы мақалада бөлісеміз.

Өзін-өзі жұмыспен қамтығандарға карта ашу

Карта рәсімдеу кезінде теңгеде карта шоты ашылады. Бұл туралы салық органына хабарлау немесе e-Salyq Business қолданбасында қандай да бір белгі қою керек емес.

1. Alatau City Bank мобильді қолданбасында «Өзін-өзі жұмыспен қамтушы картасы» өнімін таңдаңыз
2. «Карта ашу» батырмасын басыңыз.
3. Жеке дерегіңізді жаңартыңыз.
4. Жасырын сөз ойлап табыңыз.
5. Бір реттік құпиясөзбен операцияны растаңыз.
6. Бір минут күтіңіз.
7. Дайын! Картаны пайдалануға және түйіспесіз төлем үшін Apple Pay немесе Google Pay-ге қосуға болады.

Сіз Visa-ның тиімді ұсыныстарға толы, артықшылықтары мол цифрлық Visa Business картасын аласыз. Цифрлық карта ашу және қызмет көрсету тегін.

Тарифтер мен шектеулер туралы толық ақпарат Alatau City Bank сайтында қолжетімді.

Карта кімдерге қолжетімді

• ҚР азаматы
• 18 жастан асқан
• ЖК ретінде тіркелмеген

Салық органында тіркелу талап етілмейді. Құжаттар ұсынудың қажеті жоқ — банк деректі мемлекеттік дерекқордан алады.

Өзін-өзі жұмыспен қамтыған ретінде төлем қабылдау

Өзін-өзі жұмыспен қамтығандар карта нөмірі немесе деректемелері бойынша ақша қабылдай алады.

Есте сақтаңыз: кіріс түскеннен кейін E-Salyq Business қолданбасында фискалдық чек жасауыңыз керек.

Шотыңызға түсетін аударымдардың айлық шегі — 300 АЕК. Осы шектен асып кеткен аударымдар қабылданбайды.

Банк кіріс туралы дерекпен салық органдарымен бөліспейді.

Қолданбада салық төлеу жолдары

Салық пен аударымдарды төлеу үшін Alatau City Bank қолданбасын ашып, «Төлемдер» → «Айыппұлдар мен салықтар» → «Өзін-өзі жұмыспен қамтушы төлемдері» тармағын таңдаңыз.

Егер кәсіпкер өзі үшін аударым жасаса, жүйе: 

• өзін-өзі жұмыспен қамтығандардың картасына түсетін ақшаны есепке алады
• міндетті төлемдердің сомасын автоматты түрде есептейді
• төлем жайлы уақтылы хабарлайды

Төлем есептік айдан кейінгі айдың 25-іне дейін жасалады.

Мысалы: қаңтардағы табыс бойынша салық пен аударымдарды ақпанның 25-іне дейін төлеу керек.

Міндетті төлемдер

Кіріс сомасынан төрт түрлі аударым ұсталады:

• міндетті зейнетақы жарнасы — 1%
• жұмыс беруші төлейтін міндетті зейнетақы жарнасы — 1%
• әлеуметтік аударым — 1%
• міндетті әлеуметтік медициналық сақтандыру — 1%

Сома картаға түсетін қаражат негізінде автоматты түрде есептеледі.

Өзін-өзі жұмыспен қамтығандарға арналған карта есеп айырысуды жеңілдетуге және барлық міндетті төлемдерді бір қолданбада төлеуге мүмкіндік береді. Ол үшін әуреленіп, банк бөлімшесіне барудың қажеті жоқ.