POS-терминал арқылы төлем қабылдағаннан кейін ақшаны бірден алу жолы

Кейде ақша шұғыл түрде қажет болып жатады, ал қолма-қол ақшасыз төлемдер бірнеше сағаттан кейін немесе келесі күні ғана түседі. Alatau City Bank Business ұсынатын POS-терминалдармен енді ақша күтудің қажеті жоқ: түсім төлем қабылдағаннан кейін бірнеше минут ішінде бизнес-картаға бірден түседі.

Жұмыс барысы

Онлайн-аударым кезінде клиент картамен төлем жасайды, ал қаражат ЖК немесе ЖШС бизнес-картасына бірден түседі.

Барлығы үш қарапайым қадамнан тұрады:

1. Клиент кез келген банктің картасымен Alatau City Bank-тің POS-терминалы арқылы төлейді.
2. Банк төлемді растайды.
3. Қаражат бір минут ішінде бизнес-картаңызға түседі.

Онлайн-аударымның артықшылықтары

• ақша бірден түседі — бұл бизнес өтімділігін көбейтеді, келесі банктік күнді күтудің немесе қолмен есеп жүргізудің қажеті жоқ
• бизнес-процестер тез жүреді — бірден жеткізушінің қызметтеріне төлем жасап, қызметкерлердің жалақысын аудара аласыз немесе бизнес-картасымен қажет нәрсені сатып алып, кешбэк ала аласыз
• Visa және Mastercard халықаралық төлем жүйелері ұсынатын бонустарға қол жеткізесіз — карта ұстаушылар үшін Alatau City Bank Business қолданбасында көптеген жеңілдіктер мен арнайы ұсыныстар бар, олар туралы толығырақ мына сілтеме арқылы оқуға болады

Онлайн-аударымды қосу

Бұл қызметті Alatau City Bank Business қолданбасында қосуға болады. Ол үшін алдын ала келесі әрекеттерді орындау керек:

• бизнеске арналған қолданбаны жүктеп, тіркелу
• Visa немесе Mastercard бизнес-картасын ашу

Қосылу үшін:

1. Қолданбаның басты бетінде немесе танымал өнімдер бөлімінде «Эквайрингке қосылу» батырмасын таңдаңыз.
2. Келесі деректерді толтырыңыз: POS-терминалдарының саны, сату нүктесі туралы ақпарат.
3. Қызмет түрін таңдаңыз, содан кейін «Өзара есеп айырысу схемасы» бөлімінде «Онлайн» нұсқасын көрсетіп, ақша түсетін банк картасын таңдаңыз.
4. Соңғы бетте шарттармен және келісімдермен танысып, құжаттарға қол қойыңыз.

Барлығы дайын, енді терминалдың жеткізілуін күту ғана қалды — әдетте оны сол күні әкеліп береді.

Егер сізде кафе, дүкен немесе автосервис болса — табыс күні бойы түсіп тұрады. Енді қаражатты күтпестен бірден пайдалана аласыз. Alatau City Bank Business ұсынатын Visa және Mastercard бизнес-картасына онлайн-аударыммен жұмыс істейтін POS-терминалы жай төлем қабылдау тәсілі ғана емес, нағыз өтімділікті басқарудың толыққанды құралы.