Бір орында бірнеше бизнес ашу: e‑commerce тапсырыстарын табыстау арқылы табыс табу жолы
Қосымша табыс көзі
Мақаланың мазмұны
Дүкен, дәріхана, салон немесе басқа да жұмыс істеп тұрған бизнесті тағы бір бағытпен — интернет-тапсырыстарды табыстау қызметімен толықтыруға болады. Мұндай форматтың қалай жұмыс істейтінін және кәсіпкерге не беретінін айтып береміз.
Жұмыс істеп тұрған бизнесіңіз бар болғанда қолайлы
Электрондық сауданың өсуі сатып алушылардың әдеттерін ғана емес, e-commerce инфрақұрылымын да өзгертуде. Бұрын біреудің интернет-тапсырыстарын қабылдап алу үшін көбінесе бөлек тапсырыс табыстау пункттері ашылса, қазір басқа формат дамып келеді: сәлемдемелерді табыс ету қызметін жұмыс істеп тұрған бизнеске қосуға болады.
Мысалы, дүкен, қызмет көрсету салоны немесе сауда нүктесінде логистикалық компаниялар жеткізетін тапсырыстарды қабылдап алып, клиенттерге табыстай бастауға болады.
Бұл қосымша қойма ашпай-ақ жалға алу ақысы төленіп тұрған жерден қосымша табыс табуға мүмкіндік.
Бұл формат қалай жұмыс істейді
Jana Post компаниясы мұндай модель бойынша Jana Point серіктестер бағдарламасын дамытып келеді.
Кәсіпкерлерге тапсырыс табыстау пунктін ашуға арнайы орын жалға алудың қажеті жоқ. Ол жұмыс істеп тұрған бизнеспен бірге істей беріп, жеткізілген сәлемдемелерді қабылдайды. Клиент ол туралы хабарлама алып, тапсырысын алып кетуге келеді де, кәсіпкер оны табыстағаны үшін сыйақы алады.
Жұмыс тәртібі бірнеше кезеңнен тұрады: Jana Post тауарларды жақын маңдағы транзит филиалға жеткізіп, серіктестерге таратады, ал серіктестер оларды сақтайтын жерге орналастырып, келген клиенттерге табыстайды.
Осылайша, бір жерде бірден бірнеше қызмет түрін атқаруға болады. Яғни, дүкен немесе салон орналасқан орын e-commerce тапсырыстарын табыстайтын нүкте бола алады.
«Бүгін кәсіпкерлер ғимаратта орын жалға алғаны үшін ақы төлеп, оның күнделікті тірлігін ұйымдастырып, клиент ағынын қалыптастырады. Біз қолданыстағы инфрақұрылымға қосымша табыс әкелетін тағы бір қызмет қосуды ұсынамыз. Сонда бір орын бірден бірнеше бағытта жұмыс істей алады», — дейді Jana Post бас директоры Бақытжан Тоқай.
Кәсіпкердің табыс көзі
Серіктес клиентке тапсырыстарын табыстағаны үшін комиссия алады. Сонымен қатар клиент ағыны да қосымша пайда әкелуі мүмкін. Адам сәлемдемесін алуға келген сәтте сол жерде орналасқан дүкен, дәріхана, салон немесе басқа бизнеспен танысады.
Яғни табыс бірден екі көзден түсуі мүмкін:
● сәлемдемелерді бергеннен түсетін сыйақы
● жаңа келушілердің арқасында негізгі бизнеске түсетін қосымша пайда
Мұндай бизнес үлгісінде тапсырыс табыстауға бөлек пункт ашып ақша жұмсаудың қажеті жоқ. Jana Post серіктестік шарттарына сәйкес бағдарламаға тегін қосылып, тапсырыс табыстағаннан комиссия алуға болады.
Jana Point ашу үшін не қажет
Серіктес болу үшін жеке кәсіпкерлер (ЖК) немесе жауапкершілігі шектеулі серіктестік (ЖШС) ретінде тіркелген болу керек.
Бағдарламаға қосылу тегін. Jana Post компаниясы кәсіпкерден өтінім алғаннан кейін онымен байланысқа шығып, келісімшарт жасасып, жұмыс процесін үйретіп, жүйеге қосады. Содан кейін жеткізілген тапсырыстарды қабылдай бастауға болады. Әдетте мұның бәріне екі-ақ күн кетеді.
Серіктес тек сәлемдемелерді сақтайтын орын мен клиенттерге табыс ету мүмкіндігін ұйымдастыруға тиіс.
Jana Post компаниясы серіктестеріне жұмыс процесін үйретіп, техникалық қолдау көрсетіп, жұмыс қолданбасын орнатып беріп, жарнама жағынан қолдау көрсетеді.
Сатып алушыға тиетін пайда
Клиент үшін мұндай форматтың бас артықшылығы — тапсырыстарын алып кетуге болатын орын санының артуында. Бұл жүйеге дүкендер мен басқа да жұмыс істеп тұрған бизнес объектілері неғұрлым көп қосылса, сәлемдемелерді үйдің маңынан, жұмыстың жанынан немесе күнде жүретін жолдың бойынан алып кету мүмкіндігі соғұрлым көбейеді.
Енді сатып алушыға бөлек тапсырыс табыстау пунктіне барудың қажеті жоқ: ыңғайлы логистика біртіндеп күнделікті сауда мен қызмет көрсету саласының бір бөлігіне айналып келеді.
Мұндай форматтардың даму себебі
E-commerce жетілген сайын жеткізу қызметінің соңғы кезеңі маңызды рөл атқара бастайды. Сонымен қатар тапсырыс табыстау пунктіне бөлек орын ұстаған бәріне тиімді бола бермейді.
Серіктестер моделі қолданыстағы ғимарат, қызметкерлер мен клиенттерді пайдаға жаратуға мүмкіндік береді.
Кәсіпкерлер мұны қосымша қызмет пен табыс көзі деп, логистика компаниясы желіні кеңейту мүмкіндігі деп, сатып алушылар тапсырыстарын алып кетуге болатын орындардың көбеюі деп қабылдай алады.
Нәтижесінде дүкен, қызмет көрсету орны мен логистика объектісі арасындағы шекара жойыла бастайды. Бір кәсіпкер бір жерде бірнеше қызмет түрін қатар атқара алады.
Компания туралы
Jana Post трансшекаралық және e-commerce жеткізу саласында жұмыс істей отырып, Taobao, Pinduoduo, 1688, Temu, JD.com, SHEIN және POIZON платформаларымен ынтымақтасады. Компания Қазақстан, Қырғызстан, Өзбекстан, Тәжікстан және Моңғолияда жұмыс істейді. Компания желісіне Орта Азиядағы шамамен 2 мың тапсырыс табыстау пункті, бес сұрыптау орталығы және үш өңірлік cross-dock орталық кіреді.