Клиенттермен жұмыс: HoReCa-дан басталған бизнесті кеңейту
60 күнде зауыт ашу: 9-бөлім
Қазір өнім өз құндылығын дәлелдеген кезеңге жеттік, ендігі міндет — клиенттермен жұмысты жүйелі түрде құру. Біз жұмысты HoReCa бағытынан бастадық, бұл бүгінгі негізгі нарығымыз. Сонымен қатар b2c бағытын да дамытып жатырмыз. Оған үйге арналған, дайындалуы жеңіл әрі қолайлы өнімдер кіреді.
Қолданыстағы келісімшарттар және клиент табу
Қазір біз нарықтағы ірі ойыншылармен жұмыс істеп келеміз: Kulikov, abr+, Six Coffee+Wine және осы топқа кіретін басқа да мейрамханалар. Бұл жерде біз жай ғана жеткізуші емес, жоба ішіндегі сусындар бойынша шешімдер ұсынатын серіктес болып табыламыз.
Клиенттерді қалай табамыз?
Клиенттердің бір бөлігі бізді өздері табады. Бұған қоса бізде шағын болса да, нәтиже беретін b2b сату бөлімі бар. Жұмыс былай жүреді: менеджер клиентті дегустацияға шақырады → өнімді таныстырады → клиентке не керек екенін бірге анықтаймыз. Қажет болса, жобаға тереңірек бойлап, соларға сай сусындар жасап береміз.
Ірі желілермен серіктес болу
Желілермен жұмыс мүлде бөлек: шешім тез қабылданбайды, кез келген шешімді келісу сияқты жүйелі жұмыс бар.
Негізгі клиенттерге келгенде келіссөзді басшыларымен тікелей жүргіземіз. Серіктестік шарттары, көлемі, тұрақтылық және логистика мәселелері қарастырылады.
Бұл жерде бір нәрсені ескеру керек: желілер өнімнің өзін емес, сенімділік пен тұрақтылықты бағалайды. Сол себепті келіссөздер келесі қағидаларға негізделеді:
- клиентке не керек екенін түсіну
- оның жүйесіне бейімделу
- және нақты шешім ұсыну
Біз өнімді күштеп ұсынбаймыз. Алдымен оның құндылығын түсіндіріп, ұзақ мерзімді серіктестік орнатамыз.
Жаңа қалаларға шығу
Біз қазір тек Алматымен шектелмейміз. Астанада да командамыз бар, онда:
- дегустация өткізуге
- өніммен танысуға
- жұмысты бастауға болады
Сонымен қатар өнімді бүкіл Қазақстан бойынша жеткіземіз.
Келесі қадам — экспорт.
Қазір мына нарықтарға шығу үшін жұмыс істеп жатырмыз:
- БАӘ
- Ресей
- Беларусь
Зауыт іске қосылғаннан кейін не өзгереді
Өндірісті іске қосу жаңа мүмкіндіктерге жол ашады.
Енді ірі клиенттер үшін өнімнің дәмін де, құрамын да олардың форматына сай бейімдей аламыз. Бұл қарапайым жеткізуден толыққанды бірлескен жұмысқа айналады.
Қазір біз өтпелі кезеңді бастап кешіп жатырмыз:
- HoReCa сегментіндегі b2b бағыты орныққан
- b2c бағытын дамытып жатырмыз
- басқа қала мен елдерге кеңеюдеміз
Ең маңыздысы — біз өнім арқылы бизнестің нақты мәселелерін шешетін жүйе қалыптастырып жатырмыз. Егер бұл көзқарас сізге жақын болса, дегустацияға келіңіз немесе бізге жазыңыз: askar.ermagambetov@ordajuiceco.com.