Қыркүйек айындағы бизнес жаңалықтары
Қазақстан кәсіпкерлері үшін маңызды ақпарат
Мақаланың мазмұны
«Бәйтерек» ұлттық холдингі кәсіпкерлерге арналған бірыңғай фронт-офис ашты
«Даму» қорының өңірлік желісі негізінде «Бәйтерек» холдингінің бірыңғай фронт-офисі жұмысын бастады. Кәсіпкерлер мұнда кеңес алып, өзіне қажет қолдау құралын таңдап, өтінім бере алады. Консультанттар жеңілдетілген несие, субсидия, кепілдік, инвестициялық қаржыландыру, экспортты сақтандыру және лизинг бойынша ақпарат береді.
Фронт-офистер барлық өңірде жұмыс істейді, ал шалғай аудандар үшін жылжымалы кеңселер қарастырылған. Бұл — ауылдарға барып қызмет көрсететін автобустар.
«Іскер аймақ» бағдарламасында шағын бизнесті қолдау шарттары жаңартылды
Әлеуметтік кәсіпкерлер «Іскер аймақ» бағдарламасына салалық шектеусіз қатыса алады.
Бағдарлама бойынша 200 млн теңгеге дейінгі несиелердің номиналды мөлшерлемесінің 50%-ына дейін үш жылға субсидия беріледі. Сонымен қатар 5 млн теңгеге дейін гранттар, жеңілдікті үй-жайлар және қаржылай емес қолдау қарастырылған.
Қосымша ақпарат Қордың ресми сайтында жарияланған. Сондай-ақ ақпаратты 1408 бірыңғай байланыс орталығының нөмірі арқылы алуға болады.
Базалық мөлшерлеме 16,25%-ға дейін төмендеді
4 қыркүйекте Ұлттық банк базалық мөлшерлемені жылдық 16,75%-дан 16,25%-ға төмендетті. Тамыз айында жылдық инфляция 9,8%-ды құрады.
Кәсіпкерлер үшін бұл кредит алуды жоспарлағандағы маңызды көрсеткіштердің бірі. Алайда базалық мөлшерлеме төмендегенімен, бизнеске берілетін барлық кредиттің мөлшерлемесі автоматты түрде төмендемейді.