Кофе таңдау жолдары: 2-бөлім

Алдыңғы мақалада кофенің дәміне өсетін өңірдің — Оңтүстік Америка, Африка немесе Азияның — қалай әсер ететінін талқыладық. Дәннің шыққан жері, ол жақтың климаты, топырағы, өсіру тәсілдері — бұның бәрі шыны-аяқтағы кофенің бірегей мінезін қалыптастырады.

Ал енді одан әрі жылжимыз. Дәмге елмен бірге дәнді өңдеу, қуыру және демдеу тәсілі де әсер етеді. Бұл туралы осы мақалада айтамыз.

Алдымен кофені неде дайындайтыныңызды анықтап алу керек. Турка, гейзерлі кофеқайнатқыш, автоматты кофемашина, кофеге арналған құйғыш, кемекс — осыларға қарай сізге ұнайтын қуыру түрі таңдалады.

Егер кофені туркада, кофемашинада немесе гейзерлі кофеқайнатқышта демдесеңіз, сізге «эспрессоға жақын» атымен белгілі қуыру стилі ұнауы мүмкін. Әдетте бұл тәсілмен қуырылған кофенің реңкі қою, бетінде карамель түстес жылтыр пайда болады. Шоколад пен жаңғақ иісі бар қанық дәм береді.

Ал егер сіз кофені жақсы түсініп, қол астыңызда құйғыш не кемекс сияқты заттар болса, дәмнің сан түрлі қырын ашуға болады. Мұндай жағдайда дәннің өзіндік дәмін және шыққан өңірінің ерекшелігін сезіну үшін жеңіл қуыру түрін таңдаған дұрыс. Шоколад пен жаңғақтан гөрі қышқылдау келген жемістер мен гүлдердің дәмдері сезіледі.

Дәмге әсер ететін екінші маңызды нәрсе — дәнді өңдеу. Оның үш негізгі әдісі бар:

• табиғи

Егер қаптамада «табиғи өңдеу» деп жазылса, дәмі әдетте тәттірек әрі қою боп шығады. Жеміс жұмсағымен бірге кептіріледі, ал бұл сусынға қанық, тәтті, кейде тіпті шоколад пен жаңғақ дәмін береді.

• жуу және тазалау әдісі

Егер дәмі жеңіл әрі таза болғанын қаласаңыз, сізге жуу әдісімен өңделген дәндер ұнайтыны анық. Мұнда дәмнің астарын, оның нәзіктігін сезіну маңызды.

• анаэробты

Ал егер дәмнің тереңіне бойлап, өзіңізді кофе әуесқойы деп есептесеңіз, анаэробты өңдеуді сынап көріңіз. Қазір бұл әдіс ешкімге жаңалық емес — жиі кездестіруге болады. Жемістерді жинағаннан кейін оттегі бар не мүлде жоқ жабық ыдыстарда ашытады. Нәтижесінде дәмге ашыған не ішімдікке тән реңктер қосылады.

Бұл — кофеден арақтың иісі шығады деген сөз емес. Бірақ дәннің шыққан тегіне қарамастан, ашытудың айқын ізі сезілетін болады.

Сондықтан үйдегі бар нәрселермен бастай беріңіз — турка, құйғыш, автомат па — бәрібір. Әрі қарай талғамыңызға байланысты. Көріңіз, салыстырыңыз, қателесуден және таңғалудан қорықпаңыз. Күндердің бір күнінде кофенің жаңа қаптамасын ашып, оны демдеп, дәмін татқан бойда: «міне — осы!» деп айтарыңыз анық.