Зауыт ашу оңай ма

Зауыт ақыры іске қосылды. Осы жолда мол тәжірибе жинақтап үлгердік. Көптеген нәрселер уақыт өте келе ғана түсінікті болатынын да аңғардық, соларды бүгін талқылап көрейік.

Жоба бастамасы

Біз Алматыда өндіріс ашуды бұрыннан ойлап жүргенбіз. Бірақ, әдеттегідей, бізді қорқыныш, еріншектік пен күмән тежеп келді.

Бір күні ештеңеге қарамастан зауыт ашуға бел будық. Бұдан не шығатынын уақыт қана көрсетеді деген сеніммен жұмысқа кірісіп кеттік.

Бірнеше ай бұрын бәрі бұлыңғыр болып көрінді, бірақ өнім мен командаға артқан сенім бізді алға жетеледі.

Өндіріс орнын дайындау

Біз шамамен үш жыл бос тұрған ескі өндіріс орнын таптық.

Бүкіл жұмысты басынан бастадық:

• ескірген нәрсенің бәрін лақтырып
• бәрін жуып, тазаладық
• кеңістікті қайта жобалап, құрдық
• барлық процестерді іске қостық

Бір кезде тыныш тұрған кеңістік қайта жанданып, тыныс ала бастайды.

Неден қорықтық

Шынын айтсақ, бәрінен:

• зауытты уақтылы ашып үлгермейміз
• ақша жетпейді
• өндірісті іске қоса алмаймыз
• жұмыс көлемін игере алмаймыз

Бастапқыда қорқыныш сезімі пайда болатыны анық, бірақ ештеңеге қарамастан әрекет еткен жөн.

Қиынға соққан сәттер

Ең қиыны — құрылыс мен өндірісті іске қосу барысы.

Құрылысқа бөлінген сома өзгеріп, шамамен екі есеге дейін өсті.

Технологиялық тұрғыдан күрделі жабдық жақында ғана келді, ал өндіріс әлдеқашан іске қосылуы керек еді. Соның нәтижесінде біз дереу шешім қабылдауға мәжбүр болдық: жабдықсыз-ақ өнім дайындауды шештік.

Күткеннен оңай болған нәрселер

Оңай болды деп айту қиын, бірақ бастапқыда орындау мүмкін емес нәрселер ақырында өз шешімін тапты.

Екі күн ішінде өз қолымызбен прототип құрастырдық. Күн-түн демей, серіктестермен бірге отырып, бүкіл күшімізді алғашқы өнім партиясын шығаруға жұмылдырдық. Мінсіз болмаса да, күткен нәтижеге қол жеткіздік.

Қаржы: шынайы көрініс

Жобаға жоспарлағаннан екі есе көп қаржы жұмсадық.

Бұл есептегі қателік емес, кез келген құрылыс пен өндіріс жобасына тән шынайы жағдай.

Ақша мәселесін толығырақ келесі мақалада айтып беремін.

Қазір не болып жатыр

Зауыт іске қосылып, жұмыс істеп жатыр.

Әлі де қателіктер толып жатыр, оларды түзетуге уақыт керек.

Демалыссыз, қажырлы еңбек етіп, алға жылжып келеміз.

Түйін

• өндірісті іске қосудың мінсіз сәті ешқашан түспейді
• жабдық уақытында келмеуі мүмкін
• бюджет көбіне жоспардан асып кетеді
• қателіктер бәрібір орын алады

Бастысы — тоқтамау.

Өндіріс ашқысы келетіндерге берер кеңесім

• бюджетке кемінде 30% қосып жоспарлаңыз
• уақытқа да 30% қосуды ұмытпаңыз
• мінсіз жағдай не уақытты күтпеңіз
• белгісіздік жағдайында шешім қабылдауға дайын болыңыз
• командаға арқа сүйеңіз

Біздің тарихымыз енді ғана басталып жатыр. Алдымызда жаңа тарау: зауытты 60 күнде баптау кезеңі күтіп тұр.

Қызық болатыны анық, сондықтан біздің Instagram парақшамызда соңғы жаңалықтардан хабардар болыңыз.